NMB WAZINDUA KAMPENI YA BONGE LA MPANGO MBINGA

MKUU wa Wilaya ya Mbinga mkoani Ruvuma

Mheshimiwa Aziza Mangosongo amezindua kampeni ya

Bonge la mpango Kanda ya kusini inayotekelezwa na

Benki ya NMB.

Akizungumza kabla ya uzinduzi huo uliofanyika ndani ya

stendi ya mabasi mjini Mbinga, Mwakilishi wa Meneja wa

NMB Kanda ya Kusini Roman Degeleki amesema katika

kampeni hiyo zaidi ya shilingi milioni 260 zitatolewa kama

zawadi kwa washindi zaidi ya 100.

“kampeni hii itaendeshwa ndani ya wiki 12 kila wiki

washindi 12 watapokea shilingi laki moja kila

mmoja.mshindi mmoja atajipatia shilingi 200,000 na

mshindi mmoja atajishindia pikipiki”,alisema Degeleki.

Ameongeza kuwa katika kampeni hiyo washindi watano

watajinyakulia shilingi milioni moja kila Mwisho wa mwezi.

Hata hivyo amesema katika kuhitimisha kampeni

hiyo,washindi 11 watajishindia pikipiki,washindi watano

watajishindia bajaj na wengine saba watajishindia vifaa

vya kieletroniki.

Machi 29 mwaka huu benki ya NMB ilizindua kampeni

maalum yenye makusudi ya kurejesha faida kwa wateja

pamoja na kuhamasisha wa kujiwekea akiba kwa

watanzania ambapo hadi sasa wateja wa NMB zaidi ya 70

wamejinyakulia zawadi mbalimbali.

Akizungumza kwenye uzinduzi huo mgeni rasmi Mkuu wa

Wilaya ya Mbinga Mheshimiwa Aziza Mangosongo

ametoa rai kwa watanzania kujenga utamaduni wa

kuweka akiba kwa kufungua akaunti katika benki ya NMB.

“Ukiweka akiba benki utakuwa na pa kukimbilia ukipata

changamoto kwa sababu shida haipigi hodi “,alisisitiza

Mangasongo.

Oscar Makwaya ni Mwenyekiti wa Chama cha Msingi cha

Ushirika Linda Wilaya ya Mbinga,akizungumza baada ya

uzinduzi huo ameipongeza NMB kwa huduma bora za

kifedha hali iliyosababisha wakulima wengi katika kijiji cha

Linda kufungua akaunti kwenye Benki hiyo

Uzinduzi wa kampeni hiyo ya NMB Bonge la mpango

kanda ya kusini yenye mikoa ya Ruvuma,Lindi na Mtwara

umefanyika mjini Mbinga.

Wateja wa NMB Tawi la Mbinga na baadhi ya wananchi wakiwa kwenye uzinduzi wa NMB Bonge la Mpango kwenye viwanja vya kituo cha mabasi mjini Mbinga

Kulia ni Mkuu wa Wilaya ya Mbinga Mheshimiwa Aziza Mangasongo akiinua bendera kuashiri uzinduzi wa NMB Bonge la Mpango Kanda ya kusini mjini Mbinga kushoto kwake ni Mwakilishi wa Meneja wa NMB Kanda ya kusini Roman Degeleki

Mwakilishi wa Meneja wa NMB Kanda ya kusini Roman Degeleki akizungumza mara baada ya uzinduzi wa kampeni ya NMB bonge la mpango mjiini MbingaMkuu wa wilaya ya Mbinga Mheshimiwa Aziza Mangasongo akizungumza kabla ya kuzindua kampeni ya NMB Bonge la Mpang